بسم الله
شمس جهان نورینون انوری سن یا علی
خلق ئلین خالقون مظهری سن یا علی
خاتم پیغمبران ایتدی سنی جانشین
بعد نبی دینینون رهبری سن یا علی
هرکیمه قرآن ویروب نسبت یا آمنو
جمله ی مومن لرون سروری سن یا علی
نقطه ی پرگار خلق چون سنه وار نسبتی
دایره ی خلقتون محوری سن یا علی
واردی یم کائنات ایچره گوزل بیر صدف
ما خلقون کنزینون گوهری سن یا علی
ای اولان ایجادیده کن فیکون شاهدی
فلک تمام هستینون لنگری سن یا علی
نوح نبی کشتیسی طعمه ی طوفان اولوب
دامه دوشن کشتینون معبری سن یا علی
گویده ملک لر سنی عالم الاسما تانور
کل ملک قصرینون قیصری سن یا علی
نور جمالون ویروب گویده کی انواره وام
گویده کی انوارینون اظهری سن یا علی
رزمیده جولان ایدن شیر غضب ناک تک
سهمیلی پیکارینون حیدری سن یا علی
هانسی بیرحاکم اولوب جامعه ده وصله پوش
حکم ایدن حاکم لرون برتری سن یا علی
بیرده گوره بو جهان سنکیمی حاشا امیر
چون امرا تاجینون افسری سن یا علی
جان اقیمو ا لصلات با رش آت الذکات
محور حق جانیبون جوهری سن یا علی
نسل و نژادون عرب جان بکفا نون عجم
تابه ابد شیعه نون دلبری سن یا علی
حامی مستضعفین دشمن مستکبران
بی کس و بی یاورون یاوری سن یا علی
حسنووه مین یوسف مصری ویروبدورخراج
مجمع زیبا لرون اشحری سن یا علی
گللری گلزاریده مست ئلییر نکحتون
چونکه تمام گللرون زیوری سن یا علی
لطف و کرم ایتموسن بسکه بو غفاریه
مذهبی شاعرلرون سروری سن یا علی
اسکندر غفاری