بسم الله
من غمین ام البنینم نینوانی گورمدیم
آغلادیم صبح و مسا کرب و بلانی گورمدیم
من جوانلیقدان حسینون چکمیشم چوخ زحمتین
منتی یوخدور کنیزم ایتمیشم گر خدمتین
گورمدیم ایتسون بیان هرگز ئوگیلیک صحبتین
من دیین وقته حسین جان سسلییردی جان آنا
یادیمه سالام او دورانی دونر قلبیم قانا
اولمادی قسمت گیدم بیر وقفه زواری اولام
آلتی گوشه قبرینون اوسته عزاداری اولام
باش یولام زینب کیمی دل داغلی داغداری اولام
حضرت زهرا یرینده من اونا لایلای دییم
من گرک قان آغلیام اوندان صورا ایوای دییم
من حسینه دورت اوغول البته نوکر ویرمیشم
اوچ نفر سرباز و بیر سردار لشکر ویرمیشم
اوغلوم عباسی حفیظ آل حیدر ویرمیشم
ویرمیشم تحفه حسین تک رهبر عالی فره
دوردیده اولدی فدا بیر تار موی رهبره
سویلدی زینب اباالفضلین وفاسین مو به مو
مشک سو چیگنینده اولدی لشکریلن رو به رو
حاضراولدی گوزلرین ویرسون قالامشکینده سو
اوغلومون سالدی ایکی قولارینی قوم پلید
ایتدی عباسیم منی زهرا یانیندا روسپید
اهل یثرب منه سویلردی اوغول لار آناسی
غملری اولماز بونون وار دورت دلاور بالاسی
دوردیده باتدی قانا قالدی اورکده یاراسی
واریدی بیر زمان عزتلی بولردیم ئوزومی
دورت اوغولدان بیری یوخ باغلیا تا که گوزومی
ایندی من جان اوستییم بو گوزلر عباسی گزور
باغبان ئیلمگه عطر گل یاسی گزور
باشیمون اوسته اونون روح دل آراسی گزور
گیدورم قبر ایوینه قلبی یانان بیر آنییام
کربلا حسرتی قلبیمده قالان بیر آنییام
اسکندر غفاری