بسم الله
شهر قم شهر مقدس علما مرکزیدور
معدن علم و فضیلت ادبا مرکزیدور
بیر خانم اوردادی جود و کرمین اولدوزیدی
آدی معصومه ئوزی باب الحوائج قزیدی
بوخانم چوخلارینون دردینه درمان ئلیوب
الی الدن ئوزولن سائله احسان ئلیوب
بویوروب حضرت صادق جهت معصومه
دفن اولار مرکز قمدا بو خانم مظلومه
هر کیم ایستور آناما عرض ارادت ئلسون
قبر معصومه نی ایراندا زیارت ئلسون
هر زمان اهل ولا دایره ی غمده قالار
یالوارا ر حضرت معصومیه تا حاجت آلار
اسکندر غفاری
بسم الله
باشوون اوسته منی بیر بله آغلاتما اوغول
جگریم یاندی گوزوندن آتووی آتما اوغول
گوزومون نوری غروب ایتدی باخان وقته سنه
بوچتین حالیده شمشیریم عصا اولدی منه
ای منه حاصل عمرومده اولان سوژه ی غم
منم عالمده اولان واژه ی سلطان الم
سنه قیمت قویا خالق کیمی حاشا بشری
بینوب حق سنی قبلاً اولا خلقت اثری
یوزومی قانلی یوزه قویسام اورک ساکت اولار
بنظرون وار او گله گر اولا پژمرده سولار
هر اوخون یاره سی جسمونده آچوب چشمه ی قان
سیل اشکیم قاریشوب قانووه ای جسمیمه جان
گون دگور جسمیوه قان چشمه لری جوش ئلیور
حالتون عالم معنانی سیه پوش ئلیور
او قدر آغلامیشام تنگه دوشوبدور نفسیم
آز قالور پیک اجل بوردا اولا دادرسیم
جان ویرن وقته اوغول گورمیه ای کاش آتاسی
منی بو حاله سالانون گوروم ئولسون بالاسی
چوخ بالا داغی گورن واردی ولی منکیمی یوخ
بوغازون گل تک آچوبدور علی اوچ شعبه لی اوخ
ایو ییخان نیزه دگوبدور داغیلان پیکرووه
سوزولور باش قانی سیمای ملک منظرووه
سنی بو حالدا نجه گوردوم ایتیردیم ئوزومی
گیجلوب باشیم همان لحظه ده یومدوم گوزومی
ئوزومه گل جک اوغول قدری سوروندوم او زمان
یتیشین جک سنه اولموشدی آدون ورد زبان
نیزه لر اوخلار آلوبدور سنی آغوشه علی
طاقتیم یوخدی باخام ایندی بو منقوشه علی
گورمسون هیچ بیر آتا منکیمی اوغلان داغینی
منه گوستردی فلک قلبی ایدن قان داغینی
سنی گورجک اورگیم نار محبتده یانور
ئولموشم بلکه باشون اوسته بو روحیم دولانور
گوزومون یاشی یاغیش تک توکولور گل یوزووه
سن ولی آلدون اوغول رتبه ی اعلا ئوزووه
رسمیدور آغلیانون غصه لی قلبی بوشالار
گردیسون بیرده بابا اوندا بو قلبیم خوش اولار
خیمه لرده نگران چوخدی سنون گوزلیینون
بولمویولر بلشوب قانه داغیلمیش بدنون
سنی سالم یولا سالمیشلاریمون وای حالینا
ساچلارین اللره آلمیشلاریمون وای حالینا
درد غفاری آشوب داشدی ئله چاره آقا
سنی اکبر جانی لطف ایله او غمخواره آقا
اسکندر غفاری
بسم الله
الهی من جان اوستییم گوزوم ضیاسی گلمدی
قارداشیمون بیمارییم دردیم دواسی گلمدی
روح و روانیم ای رضا آرام جانیم ای رضا
چوخدور اورکده سوزلریم یولدا قالوبدور گوزلریم
هی سسلرم گل قارداشیم آدون اولوبدور ازبریم
گل آل دیز اوسته باشیمی آهسته سیل گوز یاشیمی
من که سنه وابستییم سن سن امید و یاوریم
روح و روانیم ای رضا آرام جانیم ای رضا
یول اوسته شهر ساوه ده تب عارض اولدی ناگهان
دیدیم که شهر قم بورا قالور نه فاصل و زمان
بیری دیدی که آزقالور یته او شهره کاروان
غرض یتیشدی قافله مکان اولوبدی بابلان
روح و روانیم ای رضا آرام جانیم ای رضا
اونامه لر که یازموسان منه قالوبدی یادگار
گهی ئوپوب گه ئیگلرم گوزومدن اشک تر آخار
اگر ئولم بوشهریده منی مزاره کیم قویار
اولما رضا بوگوزلریم قالا یولوندا انتظار
روح و روانیم ای رضا آرام جانیم ای رضا
اسکندر غفاری
بسم الله
آتون عزاسینده سنه عرض ایلوروک بیز تسلیت
چوخ آغلادوبدور گوزلرون بوماتم و بو تعزییت
یابن الحسن یابن الحسن یابن الحسن یابن الحسن
بو پادگان اول پادگان مسکن اولوبدور آتوا
سیز ناگران اوندان ولی اول ناگران سیزدن آقا
یا رب آدام سیز اولماسون دوشسه بلایه مبتلا
مظلوم امامه ویر دیلر دشمن لری زهر جفا
یابن الحسن یابن الحسن یابن الحسن یابن الحسن
بو ما جرانی بولدولر چون شیعیان سامرا
قاره گیوبلر قوردولار بیر مجلس بزم عزا
دشمن یتوب مرامینه گویده ملک لر آغلیور
بیت امام عسکری یکسر اولوب ماتم سرا
یابن الحسن یابن الحسن یابن الحسن یابن الحسن
ای صاحب بزم عزا وی مهدی صاحب زمان
اول آغلیان گوزلرووه اولسون فدا بو شیعیان
آتانین ئولمگی چتین اولار قالان اولادینه
آتا فراقینده گوزون ایدر سر شکینی روان
یابن الحسن یابن الحسن یابن الحسن یابن الحسن
یادا سالاندا جدیوی اونا یقین قان آغلوسان
گیدنده کربلایه سن حزین حزین قان آغلوسان
باخاندا قتلگاهینه یا دا دوشر باش سیز بدن
او مقتله همیشه سن باخان همین قان آغلوسان
یابن الحسن یابن الحسن یابن الحسن یابن الحسن
اسکندر غفاری
بسم الله
سعادت یاورون اولدی بوگون ای حر نام آور
شهادت جامه سین گیدون اولوب قان پیکرون یکسر
بلشدی قانه قارداشون جوان اوغلون بیزه خاطر
بیزه ساری گلن وقته تعجب ایتدی بو لشگر
باشون قانی گلور یکسر اونا قوی باغلیوم دستمال
آنون دوزصود ویروب دوزیول تاپوپ سان ای غمین احوال
باشووی قویما پتراقه اوتانما قوی دیزیم اوسته
دیمه که آغلیانیم یوخ سنه من آغلورام فی الحال
آدون حر دلاور دور شجاعتلی مدد کاریم
جراحتدن چالوخلورسان داریخا ما ای وفا داریم
خوشا احوالووه ایتدیم شهادت نامه وی امضا
اولوبسان دین و قرآنه فدا ای یارو انصاریم
بوگون بزم شهادتدن مدال افتخار آلدون
بلادشتینده جان ویردون نشان ماندگار آلدون
باجیم زینب سنی عفو ایتدی اوغلوم اکبره خاطر
رضایت اهل بیتیمدن بوگون ای جانثارآلدون
اسکندر غفاری
