بسم الله
سنه آغلار بوگوزلریم رقیه جان رقیه جان
باشی بلالی دلبریم رقیه جان رقیه جان
گجه گوندوز خرابه ده آتاسین ایستیین بالا
ویرانه ده قولا قیمه گزلین سوزون دیین بالا
قولوندا قمچی ردی وار آناما بنذیین بالا
ئولونجه قارداش اکبرین آدینی سسلیین بالا
رقیه جان رقیه جان رقیه جان رقیه جان
او غملی کار وانیدن گجه چولده قالان قیزیم
آتلار رقبا قینده گونوز صاقا صولاقاچان قیزیم
دوشنده ناقه دن گجه اویرده یوخلیان قیزیم
ایاق قباریلن بیزی غمیلن آختاران قیزیم
رقیه جان رقیه جان رقیه جان رقیه جان
آلوب قوجاقه هانسی قیزسنون کیمی بابا باشین
قا نلی دوداقیندان ئوپوب سیلوب گوزدن آخان یاشین
آخموشدی قانی گل یوزه اول پارچالانمیش گوزقاشین
جداده داش ورانلارون قالمیشدی یاره سی داشین
رقیه جان رقیه جان رقیه جان رقیه جان
شهزاده بالشی هارا خرابه کرپیچی ها را
گیدوبدی ناز و نعمتون یوخ اولدی عزتون بالا
ای جان ویرن ویرانه ده قبرون گرگ عمون قازا
دشمن سنی چوخ اینجیدوب کرب وبلادن تابورا
رقیه جان رقیه جان رقیه جان رقیه جان
بیرکس من اهل شامیدن دیده گلن تاپانمادیم
مهمان نواز و تسلیت هرگز دیین تاپانمادیم
قلبیم سیخیلدی غصه دن درمان ایدن تاپانمادیم
غساله ایستدی کفن بیر آغ کفن تاپانمادیم
رقیه جان رقیه جان رقیه جان رقیه جان
اسکندر غفاری