بسم الله
نه خبر واردی که گلشنده چیچک لر بذنوب
مست ایدوب بلبلی گلزاریده دلبر بذنوب
باغبان گلدی گلستاندا باخا گلرینه
گوردی هریان گل آچوب باغ معطر بذنوب
گون چیخوبدور باخا گویدن یره هر گون سا یا قی
گوردی اوندان چوخ ایشیق یرده کی اظهر بذ نوب
جمله ذراتی فلک گویده ساتوب بیر باخیشا
بو گوزل کیمدی که خلاقینه مظهر بذنوب
مشتری اولدی ملک لر ئوپلر اللرینی
گوردیلر گوزلری خوش منظر و برتر بذنوب
ایتدی جبریل امین قصد زیارتله نزول
بونا خاطر دیدی هم یرهمی گویلر بذنوب
هانسی نقاش بیله صورت زیبا یارادوب
کیم اونا باخسا دیر یوسفه سرور بذنوب
خلق ایدن وقته بونی حق دیوب احسن ئوزونه
آفرینش صدفین ایچره بو گوهر بذنوب
آلدی آغوشه امام عسکری باخدی گلونه
دیدی بوس ایتمگه بو غنچه لی لبلر بذنوب
یازدی غفاری بو اشعاری امام زمنه
حجت ابن الحسن آدیله بو دفتر بذنوب
اسکندر غفاری