بسم الله
جانلار سنه قربان اولا موسی ابن جعفر
قلبیم غمونده قان اولا موسی ابن جعفر
ورد زبانیم باب الحوائج
سندن آلوبلار چوخلار نتایج
گون مغربه گیدن زما ن زندانی آغلار
دنیا غمی قلبینده دیزلرین قوجاقلار
اولسا بالالاری دوشر یاده اوشاقلار
گوزیاشی آخدوقجا یوزه تیترر دوداقلار
ورد زبانیم باب الحوائج
سندن آلوبلار چوخلار نتایج
شادابیدون گل تک غم دوران قوجاتدی
دوشدون اوزاق مدینه دن هجران قوجاتدی
یثربده سن جوانیدون زندان قوجاتدی
بوینو ندا کی زنجیر نامردان قوجاتدی
ورد زبانیم باب الحوائج
سندن آلوبلار چوخلار نتایج
معصومه سویلر گلمدی بابام سفردن
حفظ ایله یا رب سن بابامی هرخطردن
اولما سا لوبدور اهل بیتینی نظردن
گلسیدی نامه شاد ایدردی خوش خبردن
ورد زبانیم باب الحوائج
سندن آلوبلار چوخلار نتایج
بیر گون رضا بیر سمته باخدی اولدی گریان
رنگی سولوبدور ناگهان شاه خراسان
بیردن دیدی معصومه گیتدیم ایتمه افغان
زندانیده سسلور بابام منی پریشان
ورد زبانیم باب الحوائج
سندن آلوبلار چوخلار نتایج
زندانه گلدی گور مگه امامی اول میر
کونده ایاقینده همی بو ینو ندا زنجیر
آلدی امانات امامت اولدی دلگیر
دفن ایتدی غربتده اونی بی جرم و تقصیر
ورد زبانیم باب الحوائج
سندن آلوبلار چوخلار نتایج
اسکندر غفاری