بسم الله
سن خالقه قربان ویرن قربانه قربانم حسین
سن عالمی حیران ایدن حیرانه حیرانم حسین
کرب و بلاده یاورو انصارووه قربان اولوم
سن تک غریبه یار اولان اعوانه اعوانم حسین
علقم کنارینده دوشن غمخواره غمخوارم حسین
سند ن اولان چوخ ناگران دلداره دلدارم حسین
عباسه عاشورا گونی جمله ا مید وار اولموسوز
محشرده من سیز تک امید واره امید وارم حسین
سن تک ،کریم من تک، گدا یکتایه یکتایم حسین
غملی فزاد ور ماتمون ابکایه ابکایم حسین
ای آبروی دین حق ئولدور دیلر ناحق سنی
من تا ابد قانون تو کن اعدایه اعدایم حسین
من دوز حسینی گر اولام کمیابه کمیابم حسین
وصلونده کیم بی تاب اولا بی تابه بی تابم حسین
احباب خالص فی المثل اولموش نماینده سنه
بی جادیمز اهل ولا نوابه نوابم حسین
ذکرین اورک آرام ایدن آرامه آرامم حسین
اول بی نشان یاس ساخلیان بی نامه بی نامم حسین
ای پادشاه جان و دل وی امرووه عالم مطیع
فتوای ظلمه ویردیگون الزامه الزامم حسین
زهرا آنون دلخونیدور دلخونه دلخونم حسین
آئین سنه مدیونیدور مدیونه مدیونم حسین
ای سرور آزادگان وی شمع تاریخ بشر
عاشق لرون مجنونیدور مجنونه مجنونم حسین
هر کیم سنه جانباز اولوب جانبازه جانبازم حسین
سنلن مدام دمساز اولان دمسازه دمسازم حسین
من گر سپه سالار اولام یا ر تبه ده اعلا اولام
اول آلتی آیلیق جان بکف سربازه سربازم حسین
اسکندر غفاری