بسم الله
من زمین کربلایم چوخ بلالر منده دی
آختارانلار دردینه یاخشی دوالر منده دی
من گلستانم جهاندا سر سبددور گللریم
دلخوشام خالق سوون گللر سراسر منده دی
کیم حسین تک عشقینی اثبات ایدوب معشوقینه
عشقیده پابند اولان عشاقه رهبر منده دی
قتلگاهینده حسین سسلردی یاندی لبلریم
سو فراقینده یانان اول تشنه لبلر منده دی
عالم معناده سسلردی علی المرتضی
علقمه باخما حسینیم آب کوثر منده دی
من زمین کربلایم منده بیر سقا یاتوب
قوللاری تندن جدا سردار لشگر منده دی
چوخ علم صاحب لریندن یوخ بودنیاده نشان
ثبت ایدوب تاریخ ابوالفضل دلاور منده دی
اللی مین دشمن قباقینده دوروب شیر ژیان
جعفر طیاریدن والا و برتر منده دی
بانگ تکبیری سالاردی شامیانی لرزییه
ایندی ده صوت خوش الله اکبر منده دی
دوشمسیدی گرایکی قول دللره دوشمزدی سو
سمت علقمده دوشن اول قانلی اللر منده دی
مشکینه اوخ ور دولار مایوس اولوب اول نامدار
باوفا شرمنده بیر سقای مضطر منده دی
شهر یثربده دیردی باغری قان ام البنین
ساچلاریم گورمز حنا تا قاره معجر منده دی
من زمین کربلایم اکبر زیبا منیم
خلقنو خلقا همانند پیمبر منده دی
ماهه بنذر نیزده راسی گیدوب شامه ولی
ظلم اللین دوغرانان اعظا سی یکسر منده دی
بیرآنا اون سکیز ایل سرمایه سین الدن ویروب
ام لیلانی قوجالدان اوغلی اکبر منده دی
من زمین کربلایم قاسمه قان آغلارام
خاطرات بیر اون اوچ سیننده سرور منده دی
ازرق و دورت اوغلونی واصل ایدوبدور دوزخه
صحنه ی جنگ حق و باطل مصور منده دی
پیکری آتلار ایاقی التدا اولدی پایمال
بیر نچه قسمت فقط اعضای پیکر منده دی
قاسیمون یوخدور مشخص بیر مزاری وا اسف
عزت و شان و وقاری ایله باور منده دی
من زمین کربلایم اصغره فخر ایلرم
هرندن آرتوق رقیه که چوخ ایستر منده دی
خسته بلبل خوشلیوبدور باغبانون سینه سین
باغبانون سینه سی چون قانلی بستر منده دی
خورداجا باب الحوائج درده درمان ایلین
مفخر سالار زینب یوم محشر منده دی
من زمین کربلایم ایسترم زواریمی
تا گورم شش گوشه قبری ایستین لر منده دی
هر نه غفاری یازا حاشا بوسوزلر قورتارا
هر یرین اولسا غمی اوندان فزون ترمنده دی
اسکندر غفاری