بسم الله
بارالها یوخدی یارو یاوریم سندن صورا
مشتری حاشا تا پا اشک تریم سندن صورا
اولسا داغلارجاق گناهیم وار امیدیم لطفووه
چونکه یوخ مولا و بنده پروریم سندن صورا
گلمیشم درگاهووه بیر ئوزی قاره بنده ییم
خوش عمل یوخدورالیمده بنده ی شرمنده ییم
واردی قرآن کریمده چوخ سنون فرمایشون
من غفورو من رحیمم خالق بخشنده ییم
هرنه وار گویلرده یا یرده سنی تسبیح ایدور
هر وجود سن تک وجودی عالمه تشریح ایدور
کل شئ خلقتده سسلر قل هو الله احد
گنج پنهان سان سنی هرخلق اولان تصریح ایدور
راضی اولسان سن اگر مندن منیم خوش حالیمه
چون محول حول اولوبدور شامل احوالیمه
وای اگر مطلب عوض اولسا گرک قان آغلیام
نیلرم باخسا گوزوم ئوزایتدیگیم اعمالیمه
بیر بله نعمت ویروبسن اولمادیم شاکرسنه
بولمدیم هر یرده وارسان حاضر و ناظر منه
سن بول عبا سون داغلمیش پیکری عفوایت منی
بولمورم گلدی نجه آدی زبان الکنه
نامه ی اعمال من صاحب زمانی آغلادور
چوخ ستم لر دیده ی میر جهانی آغلادور
هانسی خوش اعمالیلن من سسلیوم یا بن الحسن
گرچه چوخلار من کیمی اول بی نشانی آغلادور
اسکندر غفاری