بسم الله
غریب ئولنده دییرم یا حسین
سوسوز گورنده دییرم یا حسین
ماه محرم یتیشنده هر ایل
قاره گینده دییرم یا حسین
دردیم اولاندا دییرم یا حسین
لاله سولاندا دییرم یا حسین
قاره علم گورسه اگر گوزلریم
اشکی دولاندا دییرم یا حسین
بزم عزاده دییرم یا حسین
ذکر دعاده دییرم یا حسین
دعوت ایده گر منی پا بوسینه
کرب وبلا ده دییرم یا حسین
فرات آخاندا دییرم یا حسین
اونا باخاندا دییرم یا حسین
گلسه اجل اوردا آلا جانیمی
جانیم چیخاندا دییرم یا حسین
گونده مکرر دییرم یا حسین
پاک و مطهر دییرم یا حسین
کیم دیسه یوسفدی گوزل یاحسین
من سنی برتر دییرم یا حسین
قارداشیم ئولسه دییرم یا حسین
بلیم بوکولسه دییرم یا حسین
من به یقین بیله مددکاریدن
الیم ئوزولسه دییرم یا حسین
اسکندر غفاری