بسم الله
ای حسینون چهره سیندن غم غبارین پاک ایدن
وی قوشوندان قورخمیان میدانه بی پروا گیدن
پاک ئله بیزدنده غم آثارینی جان حسین
ای ایدن ئوز جانینی دین اوسته قربان حسین
کیم سنه اولدی دخیل آلدی یقینا حاجتین
عبد صالحدور آدون باب الحوائج منصبین
ای خوشا اول کس ئوزون عباسه خادم بسلیه
نا امید اولماز اورکدن یا اباالفضل سسلیه
گر چه عباسون مقام و رتبه سی ارزنده دی
ایندی ده نهر فرات عباسیدن شرمنده دی
گه ایاقیندن ئوپور گاهی چیخور تا به حرم
ای فرات سنلن باریشمازقولارین ایتدون قلم
خیمه ده سووعده سین ویرمیشدی عطشان قیزلارا
اولمادون قسمت دوداقلار چاتدیوب دوندی قانا
هر سوزون وار ای فرات اول ده عطشان اصغره
ویرمدون بیر جرعه سو اول پارچالانمیش لبلره
مشک عباس و ربابون دوشلری قالمیشدی بوش
گورمدی کرب و بلا ده اول بالا بیر یوم خوش
ایستدی سندن آقام بیر مشک سو ای بی وفا
بیر آغور قیمت دیدون ایتدون او سرداره جفا
سسلدی ویرم ایکی قول تا آلام بیر مشک سو
سن دیدون بیرگوزده ویراولسون سنه سو آبرو
وار گلایم نهر علقمدن آخوبدور چوللره
حشریده یوخدور جوابی حضرت پیغمبره
من دیه بولم که عباسی قوشون ئولدور مدی
قارداشین فکری اونی ئولدوردی بیرکس بولمدی
سسلدی قارداش منیم احوالیمی سال یادووه
من خداحافظ اخا الله یتیشسون دادووه
گل شهادت نامه می امضا ایله اولما ملول
اللری قوینوندا گزمه غیرتیم ایتمور قبول
فکر ایله من آددا قارداشون سنون یوخدور آقا
خیمه لرده ناگران یول گوزلیین چوخدور آقا
بیعتین اوسته عدو سنلن عداوت ایلیور
قامتون خم ایلمه دشمن شماتت ایلیور
عترت اطهارووه جانا یتور مندن سلام
جسمیمی حمل ایلمه اخیامه ای والا مقام
اسکندر غفاری