احوالات کوچ از قتلگاه
عزیز مصطفی حسین حبیب کردگار اولوب کیم اولدی عاشق حسین همیشه رستگار اولوب
اودور صراط مستقیم سفینة النجاه اودور تاپوب یولون اوکیمسه که حسینه اشکبار اولوب
ایدوب سفارش اولجنا ب ستم گره باش اگمیون اوسرورون طلا سوزی جهاندا زرنگار اولوب
علینون اوغلی تا ابد یزیده باشین اگمدی اگر چه راس اطهری جداده برقرار اولوب
اوگونکه قتلگاهید ن حرملرون دوشوب یولی او دشت پر بلائیده فغان بی شمار اولوب
اوغملی کاروانید ن هلالی قدی بیر خانم باخا ندا قانلی مقتله قطاریدن کنار اولوب
دایاندی ناقه لر اودم توکولد و لر مخدرات گزردی هر کیم اوز گلون دییردی لاله زار اولوب
یتیشدی زینب حزین گوروبدی غملی منظره همیشه ایگلیین گلی دچار ظلم خار اولوب
دیزینده طاقت اولمادی یخیلدی نعثین اوستونه یارا لی پیکرون دیدی قوم اوسته جان سپار اولوب
دونن گلنده خیمه دن سلامتیدی گل بدن نه باش قالوب نه اللرون بدنده لاله وار اولوب
باشون قفادن اهل کین جفا ئیله سوسوز کسوب بو پاره پاره جسمیوی قویوبلا چولده خوار اولوب
یتور مشامیمه منیم آنامون عطری یا حسین او بی نواده منکیمی غمونده بی قرار اولوب
اجازه ویر دیوم نیه گلنمدیم گیچن گجه بلالی زینبون حسین وظیفه عهده دار اولوب
دونن کی حادثاتینون گزاریشون ویروم سنه ئوزون قضاوت ایله گور باجون غمه شکار اولوب
الیکه لشکر عدو هجوم ایدوبله غارته خیامیدن چیخان اودم تیکانلیقا فرار اولوب
آلیندی قمچی لر اله ورولدی اود چادرلارا اودم بلالی باشلارا غبار کول نثار اولوب
دوشوبدی یاده ناگهان امام زین العابدین دیدیم الهی رحم ایله بالام دچار نار اولوب
باشیمدا قاره معجری او دمده محکم ایلدیم یانان خیامه قاچمیشام اویر که شعله زار اولوب
او نار جان شکاریدن امامی خارج ایلدیم دولاندی باشیمه بوچول گوزوم ضیاسی تار اولوب
سواره لر پیاده دن قاباق یتوبله غارته نه شرم ایدوبله شامیان نه کوفیانه عار اولوب
بلالی قیزلار آدینی غروب اولاندا سسلدیم یغیشدی هر گیدن گلوب ساییلدی سر شمار اولوب
ایکی بالا جا قیز آدین نقدری سسلدیم ولی منه جوابی گلمدی اورک غمیم هزار اولوب
بو دشتی سر به سر حسین فغانیلن دولانمیشام ایکی جنازه قولبویون حالیندا آشکار اولوب
اسیر اولان حرملرون بو ماجرانی بولدولر دیینمرم او لحظه ده ننوعی آه و زار اولوب
چکیلدی نور آفتاب قرانلوق اولدی هر مکان بنات مرتضی گجه چادردا سوگوار اولوب
بیری دییردی عمه جان تیکانلیقا قاچان زمان اوقدری چولده قاچمیشام ایاقلاریم قابار اولوب
بیری دییردی شمردون آلاندا گوشوار می وروبدی سیلی نقشه سی یوزومده ماندگار اولوب
بیری دییردی قمچی دن کبود اولوبدی قولاریم بو ظلمه باعث عمه جان عدوی نابکار اولوب
بیری دییردی اصغریم صودیله دوشلریم دولوب سرشکی قان اولان گوزوم یولوندا انتظار اولوب
بیری دییردی مهربان عموم قالوب هایاندا بس بیری دیردی سسلمه سو اوسته جانثار اولوب
غرض قویوبلا یوزلرین یانان چادردا تپراقا گلوب یوخی اوگوزلره که دُرّی شاهوار اولوب
دایاندی زینبون ولی کنار خیمه گاهیده اوقور خولی مکانیده خیامه پاسدار اولوب
اولوندی پاسی نیمه شب طلاطمه دوشوب اورک برابریمده ناگهان قرالتی آشکار اولوب
دیدیم سیاهی گلمه بیز جفائیله طالا نمیشوق اثاث خیمه لر گونوز تمامی واگذار اولوب
سوزوم موثر اولمادی دیدیم کمک سیز عورتم بوچولده یار و یاوریم جنانه رهسپار اولوب
اوچومجی دفعه سسلدیم سیاهی گلمه سسلرم علی مرتضانی من بولور قیزی دچار اولوب
اودمده سس گلوب قیزیم علی مرتضی منم زمین کربلا بوگون بلایه استتار اولوب
آنون آچوبدی زلفینی قالوبدی قتلگاهیده بالاسی نعشی اوسته دور نواسی آه و زار اولوب
دیدیم بابا یوبانمیسان ندن گونوز گلنمدون مگر بوچولده گورمدون بلا بیزه حصار اولوب
بو دشت کربلا ده بیز بش اون گونی قوناقیدوک قوناقی الدوروب سوسوز بو قوم کامکار اولوب
اسکندر غفاری
