بسم الله
او گونکه حضرت خاتم وداع ایتدی رسالتدن
ایدوب زهرای مرضیه دفاع رکن امامتدن
پیمبر جسمی آیا دفن اولوب یا اولمیوب قالسون
بیر عده فتنه گر غاصب قوروب شورا ریاستدن
ریاست شهدی بالداندا اولار شیرین آمان الله
مقام و رتبه لر سالدی چوخون دین و دیانتدن
زمان جنگ خندقده علی ایتدی هلاک عمری
بیر عده آدلاری مسلم اولوب غمگین حسادتدن
دیولر قلعه ی خیبرده نصب اولموش آغوربیردر
آچوب ئورتردی اون مامور وزین اولموش ضخامتد ن
علیده فوق ایدیهم اولان اللر بیرایش گوردی
قاپی چار چوبیدن چیخدی گلوبدور سس جماعتدن
علیدور فاتح خیبر علیدور قدرت داور
ایدوبدور بهرمند خالق ید اللهی شجاعتدن
بو تعریف و رشادتدن گچوم بیر آیری عنوانه
قلم بیر مطلب دیگر یازور عین روایتدن
غدیر خمده پیغمبر علینی جانشین ایتدی
بوناهر کیم اولا منکر چیخوب خط هدایتدن
پیمبردن صورا کیملر دوروب جهل و عناد اوسته
خلیفه انتخاب اولدی نچه خائن خیانتدن
دیوبدور ثانیه بیر شخص علیدور نایب احمد
دیدی ثانی جواندور اول باشی چیخماز سیاستدن
نچه گون گیچدی ملتدن آلوبلار غاصبان بیعت
ایده بولموردی برکیمسه تمرد بو اطاعتدن
سوروشدی بیر گونی مولا وفالی یاری سلماندان
اولده ایلیین بیعت کیم اولدی بو ظلالتدن
دیدی سلمان او مولایه خمیده قدی بد منضر
بویوردی حضرت ای سلمان ئوزون گوزله بوآفتدن
آدی ابلیس ئوزی کافر چیخار دان چوخلاری یولدان
قوولموش درگه حقدن ایدر شادی شرارتدن
غرض اول حاکم غاصب خلافت مرکبین میندی
دوشوب یاده علی ناگه دیدی ثانی حماقتدن
پیمبردن صورا حیدر نماز و مسجده گلمور
گرک اوندان آلاق بیعت دگل آیری جماعتدن
ابا الغاصب ویروب پیغام گل ایله یا علی بیعت
بو مردم ایلیوب شرکت بری اولما شراکتدن
علی ابن ابی طالب برائت ایتدی بیعتدن
خلافتده اولان ثانی بیر ایش گوردی عداوتدن
گلوب اوچ یوز نفر ظالم علینون بیتینه ساری
پیمبر روحی معناده اولوب شاهد نضارتدن
چکوبدور ثانی بیر نعره ایویندن یا علی تزچیخ
خلیفه ایلیوب احضار ئوزون قورتار برائتدن
وَاِلّا من بو درگاهی گرکدور اود ورام یانسون
ئوزون یاخشی بلورسن من خوشوم گلمز ولایتدن
او ظالم گوردی باغلانمیش قاپونی بیر آچان یوخدور
ایدوبلر حمله اول قاپی آچیلدی تز جسارتدن
قالوبدور حضرت زهرا درو د یوار آراسیندا
فشار ضربیدن محسن اولوبدور سقط جنایتدن
اولان اول قاپیده مسمار ضعیف بیر سینیه باتدی
ئولونجه آغلادی زهرا بلنچی بیر جراحتدن
وروبلار اود قاپی یاندی نلر اولدی دیینمور دیل
توکولدی فرقه ی اشرار ایوه جهل و شقاوتدن
دوشوبدور بیر یانا زهرا اوشاقلاردا ایاق آلتدا
نوای یا رسول الله گلور بیت امامتدن
حسینیلن حسن آغلور ملک لرده ایدور ضجه
آلوب آغوشه کلثومی خانم زینب حراستدن
غرض باغلاندی چوخ راحت ایدن فتح المبین اللر
علینی مسجده ساری چکور د شمن جهالتدن
دوتوبدور یاره لی زهرا علینون الده ریسمانین
آلا بولمور او مولانی عدو دخت رسالتدن
مغیره ایلدی بر ظلم خانم ال چکدی مولادن
غلامین ضربه سی دگدی الین ئوزدی حمایتدن
علینی خائنان دین آپاردی جانب مسجد
دولوبدور مسجده مردم دینن یوخ نارضایتدن
اوتورموش منبر اوستونده ایدور نطق اولین غاصب
رسول اکرمه ایلور ئوزون وصل و غرابتدن
علینون گل جمالینه گوزی دوشدی ندا ایتدی
علیدور بیعته گلمیش چکوبدور ال رقابتدن
دیدی ثانی گرک حیدر ایده بیعت خلیفیلن
بناگه فاطمه گلدی سولوب رنگی جراحتدن
اول خطبه ایدوب ایراد جماعتدن گلیلندی
صورا سسلندی ای غاصب حیا ایله امانتدن
بیزوک پیغمبره وارث سیزه لایق دگل منبر
علینی جانشین ایتدی سیزه یتمز وراثتدن
علیدن بیعت ایستورسوز یوخوز قورخی قیامتدن
گوروبلر حضرت زهرا سمایه قالخیزوب بیرال
ایده نفرین بلاگلسون خداوند جلالتدن
بویوردی حیدر کرار تحمل ایله یا زهرا
بلاگلسه بیزه اولماز رهائی بوهلاکتدن
اویرده مردمون ایچره دوشوبدور ولوله ناگه
خلیفه گوردی غوغانی ایدوب وحشت بوبابتدن
دیدی بیعتده لازمدور ایکی شخص ال اله وورسون
گلوب ال ووردی مولانون الینه اول خباثتدن
بنابراین خلیفه بیعت ایتدی شاه مردانه
علینون اللرین زهرا آچوبدور غملی حالتدن
دایان غفاری زهرانون غمین یازماق چتین ایشدور
سنه لطف ایلیوب یازدون ایدوب احسان کرامتدن
اسکندر غفاری
