بسم الله
خالق یکتا اباالفضلی دل آرا یارادوب
گلشن آل عبایه سرو زیبا یارادوب
عالم خلقتده اولسا بعضی نعمت سهم عام
خالق عباسی حسینه سهم تنها یارادوب
پرورش ویردی اونا فاطمه دردانه لری
حی قادر اولارا خادم زهرا یارادوب
چوخ قوجاقینه آلاردی ا ونی زینب باجیسی
هی دییردی بیزه حق نعمت عظما یارادوب
هله اول وقته قالوردی دیه قارداشی حسین
بوگوزل اوغلانی الله بیزه سقا یارادوب
گیچدی ایللر اوجالوب قامت سرو قولار اوزون
احسن اولسون بله خلاقه که غوغا یارادوب
کوچه و بازاریده گورسیدی هر کیم قامتین
گوزلری سویلردی حق قامت رعنا یارادوب
حضرت حمزه شجاعتده اولوب شیر شکار
بوحسین شیریدی یکتا اونی یکتا یارادوب
سجده حالینده اولارمیش حقه بیر عبد ضعیف
هبذا رب جلیل اسوه ی تقوا یارادوب
ادب و معرفتون چشمه ی جوشانیدی بو
حال عشق اوسته بونی ربی الاعلی یارادوب
بو همان آیدی که احباب اورگین روشن ایدوب
چون حسین گوندی بو ماهی حق دانا یارادوب
درگه شاه شهیداندا اولور فوج غلام
ولی بو منصبی عباسه مجزا یارادوب
اسکندر غفاری