بسم الله
ای ماه بنی هاشم علمداریم اباالفضل
بوچولده منیم حیدر کراریم اباالفضل
بیر عده گوزی یولدا قالانلار سنی گوزلر
افلاکه نواسی اوجالانلار سنی گوزلر
اخیامیده عطشان نگرانلار سنی گوزلر
گوزلری یاغیش مثلی یاغلانلار سنی گوزلر
یاران وفاداریمه سرداریم اباالفضل
سندن صورا دشمن منه جرات تاپاجاقدور
ئولدور مگه قارداشووی فرصت تاپاجاقدور
حقی ایتیرن باطل و ذلت تاپاجاقدور
اهلی حرمی فوج مصیبت تاپاجاقدور
آغلارسنه چوخ دیده ی خونباریم اباالفضل
سن بوداغیلان جسمیله مقصوده چاتوبسان
باشدان ایاقا لاله کیمی قانه باتوبسان
بیزدن نگران بستر قان ایچره یاتوبسان
تقدیریله سوفکرینی سن باشدان آتوبسان
محشرده منیم رونق بازاریم اباالفضل
دوشدون اوجا یردن یره ال سیز برادر
من یرده سنه آغلیورام گویده ملک لر
قویدون الیمی بلده بوگون ای مه انور
سسللر عطشدن سنی اخیامیده یکسر
گوزیاشیله گوزلر سنی قیزلاریم اباالفضل
دورت مین اوخ آتاندان سوئی آلماق چتین ایشدور
وحشت بوقوشون قلبینه سالماق چتین ایشدور
تنها دل لشکرده دایانماق چتین ایشدور
بی واهمه میدانیده قالماق چتین ایشدور
آلدون سویی ای یار و مددکاریم اباالفضل
من فُلک نجاتم منه سن باب الحوائج
عالم سنه قربان اولا ای درده معالج
آدون اولاجاق دهریده چوخ دیللره رایج
سندن آلار عاشق لرون البته نتایج
امداده سنی سسلر عزاداریم اباالفضل
اسکندر غفاری