بسم الله
یا محمد من سنه ممتاز خلقت ویرمیشم
خلق اولان افلاکیمه زهرانی عزت ویرمیشم
عصمتین حفظ ایلیین نسوانه بو سر مشقیدور
بانوان عالمه الگوی عفت ویرمیشم
نور اعظم زهره زهرا تجلی ایلیوب
آفرینش گوهریلن عرشه زینت ویرمیشم
مریم و سارا گرک زهرایه اولسون خادمه
چونکه زهرایه ازلدن اولویت ویرمیشم
گرچه دنیاده بشر نسلی اوغول سولبونده دی
غم یمه زهرا ئیله نسلونده کثرت ویرمیشم
شکر ایله سنده نماز ایت ایله حمد بیکران
سن کیمی پیغمبره شایسته رحمت ویرمیشم
آچموشام باب کرم جوشه گلوبدور رحمتیم
مزرع عطشانوه باران نعمت ویرمیشم
یا نبی هر کیمسه شاد ایتسه منیم محبوبه می
منده شاد اولام او شخصه قول جنت ویرمیشم
کیم اونی آزار ایده آزار ایدوبدور خالقین
اینجیدن اشخاصه مزد تلخ لعنت ویرمیشم
عالمه ایتسه شفاعت یوم محشر فاطمه
اعتراض اولمازاوناصدقیله رخصت ویرمیشم
مرتضانی یرده گوردوم غملری ایلر هلاک
حیدره غم خوار اولان لایق شراکت ویرمیشم
دامنینده پرورش من ایستیین تاپسون گرک
گوزلرم آینده نی دورانه فرصت ویرمیشم
یا محمد آستانوز ایستیور خدمت گذار
خادموز غفاریه امکان خدمت ویرمیشم
اسکندر غفاری